Argentina grandi «Boka Xuniors» klubida sport direktori lavozimiga yangi nom tayinlandi — endilikda bu vazifani Marselo Delgado bajaradi. U klub prezidenti Xuan Rikelme bilan yaqindan hamkorlikda ishlaydi. Bu haqda euro-football.ru xabar beradi.
Klub tarkibni tezkor kuchaytirishga muhtoj ekani ta’kidlanmoqda va Delgado hamda Rikelme oldida transfer masalalarini jadallashtirish vazifasi turibdi.
Delgado futbolchilik faoliyatida ham nom qozongan: u Argentina terma jamoasi safida 1995–2002 yillar oralig‘ida 18 uchrashuvda maydonga tushgan, jumladan 1998 yilgi jahon chempionatida ham ishtirok etgan.
Shuningdek, u 2003 yilda Libertadores kubogining eng yaxshi to‘purari bo‘lgan — bu ko‘rsatkich bo‘yicha «Santos» hujumchisi, braziliyalik Rikardo Oliveyra bilan bir xil natija qayd etgan.
“Zamin”ni Telegramʻda oʻqing!
