Argentina klubi «Boka Huniors» sport direktori lavozimiga Marselo Delgado kelganini rasman ma'lum qildi. U klub prezidenti Xuan Rikelme bilan yaqindan hamkorlikda ishlaydi — Rikelme avval «Barselona» safida ham to'p surgan. Bu haqda euro-football.ru xabar beradi.
Jamoa tarkibini tezkor kuchaytirish zarurati borligi ta'kidlanmoqda, shu bois Delgado va Rikelme transfer hamda sport siyosati bo'yicha muhim qarorlar ustida ishlashiga to'g'ri keladi.
Delgado futbolchi sifatida ham katta tajribaga ega: u Argentina terma jamoasida 1995–2002 yillar oralig'ida 18 ta o'yinda maydonga tushgan, jumladan 1998 yilgi jahon chempionati bahslarida ham ishtirok etgan.
2003 yilda esa u Libertadores Kubogida eng ko'p gol urgan futbolchilardan biri bo'lgan — «Santos» hujumchisi Rikardo Oliveyra bilan birgalikda turnir to'purarligini bo'lishib olgan.
“Zamin”ni Telegramʻda oʻqing!
