Fransiya chempionatida "Marsel" top-3 poygasidan yanada uzoqlashib ketish xavfi ostida qoldi. Safarda "Brest"ga qarshi o'yinda "oq-ko'klar" yana ishonchsiz ko'rindi va omadsiz seriyasini davom ettirdi. Bu haqda euro-football.ru xabar beradi.
Uchrashuvning 10-daqiqasidayoq hisob ochildi: "Brest" hujumi yakunida Lyudovik Ajork aniq zarba bilan mezbonlarni oldinga olib chiqdi — 1:0. Oradan besh daqiqa o'tib Ajork yana bir bor xavfli vaziyatga chiqdi, biroq bu safar to'p darvoza ustuniga yaqin joydan o'tib ketdi. 29-daqiqada esa ugo Manyettining uzatmasidan so'ng Ajork bosh bilan gol urib, dubl qayd etdi — 2:0. Keyingi daqiqalarda mezbonlar yana bosimni kuchaytirib, Junior Dias burchakka yo'llagan zarbasi bilan xavf tug'dirdi, Ajork esa bir epizodda to'pni to'singa tekizdi.
Ikkinchi bo'lim o'rtalariga kelibgina "Marsel"ning ilk jiddiy imkoniyati yuzaga keldi: Per-Emerik Obameyang qulay vaziyatda zarba berdi, ammo nishonni topolmadi. O'yin so'ngida Meyson Grinvud jarima maydonida yiqitildi va hakam penalti belgiladi. 11 metrlik zarbani Grinvudning o'zi ijro etdi, biroq darvozabon uning urinishini qaytardi.
Natijada "Brest" 2:0 hisobida g'alaba qozonib, turnir jadvalida 10-o'ringa ko'tarildi. "Marsel" esa 4-pog'onada qoldi.
“Zamin”ni Telegramʻda oʻqing!
