Germaniyaning «Verder» klubi yozgi Shimoliy Amerikaga mo'ljallangan turnesini bekor qilishga qaror qildi. Bu qaror hozirdanoq qabul qilingani ko'plar uchun kutilmagan bo'ldi, sababi uning ortidagi aniq sabablar ochiq-oydin tushuntirilmagan. Bu haqda euro-football.ru xabar beradi.
Moliyaviy tomondan bu qadam avvalo klubning o'ziga zarba bo'lishi mumkin. Shunga qaramay, klub rahbariyati buni tamoyillar bilan izohladi va xavfsizlik masalasini asosiy omil sifatida ko'rsatdi.
«AQShda, Minnesota shtatida ikki kishi AQSh hokimiyati tomonidan o'ldirilgan. Bizda prinsiplar bor: odamlar ko'chada yurgani uchungina xavf ostida qolishi mumkin bo'lgan joyda maydonga tushmaymiz», — dedi klub bosh direktori Klaus Filbri. Uning so'zlarini DeichStube keltirdi.
Avvalroq Germaniyada AQShda o'tkaziladigan jahon chempionatini boykot qilish g'oyasi ham muhokama qilinayotgani haqida xabarlar tarqalgan edi.
“Zamin”ni Telegramʻda oʻqing!
