“Lans”ning afsonaviy darvozaboni Giyom Varmyuz jamoaning joriy mavsumdagi o‘yinlarini katta qiziqish bilan kuzatmoqda. Uning fikricha, parijlik “PSJ”ning fransuz chempionatidagi uzoq yillik ustunligiga qarshi jiddiy chaqiriq tashlayotgan “Lans” yana bir bor tarixiy muvaffaqiyatga erisha oladi. Bu haqda euro-football.ru xabar beradi.
Varmyuz “Lans” bilan 1998 yilda chempion bo‘lganini eslatib, hozirgi tarkib ham katta natijaga qodirligini ta’kidladi. “Menimcha, klub rahbariyati asosan Chempionlar ligasi zonasini ko‘zlaydi. Ammo bugun “Lans” chempionlik uchun ham real da’vogar. Agar jamoa aprelgacha pozitsiyasini ushlab tursa, bu juda kuchli ariza bo‘ladi. Lansda hamma ishonadi — jamoa titul uchun jang qilyapti”, — deya Varmyuz so‘zlarini derbyderbyderby.it keltiradi.
Biroq shanba kuni “Lans” sobiq posbonini ranjitib qo‘ydi: “Monako”ga qarshi bahsda 2:0 hisobida oldinga chiqqan jamoa ikkinchi bo‘limda uch bor gol o‘tkazib yubordi va yakunda mag‘lub bo‘ldi.
“Zamin”ni Telegramʻda oʻqing!
