Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani haqidagi ish doirasida prokuraturaga so'roqqa chaqirildi. Bu haqda euro-football.ru xabar beradi.
U bilan birga tashkilot g'aznachisi Pablo Tovigino ham ish bo'yicha gumondor sifatida qayd etilgan. Huquq-tartibot idoralari har ikkisini ham mamlakatni tark etmaslik majburiyatiga qo'ydi.
So'roq 5 mart kuni bo'lib o'tadi. Tergov AFA tomonidan ijtimoiy badallar bo'yicha davlat budjetiga 13 million dollar yetib bormagani haqidagi ma'lumotlardan so'ng boshlangan.
Shuningdek, Tapia nomiga rasmiylashtirilgan, vertolyot qo'nish maydonchasi bor 10 gektarlik mulk ham tekshiruv e'tibor markaziga tushgan.
Prokuratura alohida ravishda futbolchilarga to'lanadigan bonuslar miqdori Tapianing dunyo bo'ylab parvoz xarajatlaridan past ekani haqidagi tafsilotlarga ham qiziqish bildirmoqda.
“Zamin”ni Telegramʻda oʻqing!
