Moskvaning CSKA sobiq futbolchisi Aleksey Berezutskiy Rossiya terma jamoasining Gvatemala va Mali bilan o‘rtoqlik uchrashuvlariga chaqirilsa, faol futbolchi sifatida borarmidi degan savolga munosabat bildirdi. Bu haqda euro-football.ru xabar beradi.
Uning aytishicha, bunday qaror avvalo yoshga bog‘liq. Berezutskiy 30 yoshdan oshgan futbolchi bo‘lganida, aynan shu bahslarga terma jamoa bilan borishni istamasligini ta’kidladi. Bu haqda u «RB Sport»ga bergan intervyusida aytgan.
Aleksey Berezutskiy professional faoliyatini 2018 yilda yakunlagan. U Rossiya terma jamoasi safida 58 ta o‘yin o‘tkazib, 2 ta golli uzatmaga mualliflik qilgan.
Ma’lumotlarga ko‘ra, mart oyida Valeriy Karpin boshchiligidagi Rossiya terma jamoasi ikki nazorat uchrashuvini o‘tkazishni rejalashtirmoqda. Raqiblardan biri Mali terma jamoasi bo‘lishi kutilmoqda.
“Zamin”ni Telegramʻda oʻqing!
