Italiya chempionati kunining markaziy bahsida “Atalanta” o'z maydonida “Napoli”ni qabul qildi va o'yin yakunida kambek evaziga 2:1 hisobida zafar quchdi. Bu haqda euro-football.ru xabar beradi.
Uchrashuvning 18-daqiqasida mehmonlar hisobni ochdi: Migel Gutyerres jarima zarbasidan uzatmani jarima maydoni markaziga yo'lladi, Sem Byokema esa to'pni boshi bilan darvoza to'sinining ostiga yo'naltirdi — 0:1. Oradan ko'p o'tmay Alisson Santos yakkama-yakka vaziyatda gol urdi, biroq hakamlar aniq ofsaydni qayd etib, golni bekor qildi.
Birinchi bo'limda “Atalanta” javob goliga yaqin keldi: Kamaldin Sulemana bir necha bor xavfli zarbalar yo'lladi, “Napoli” posboni esa vaziyatni burchak zarbasi evaziga bartaraf etdi. Yana bir epizodda Alisson o'ng tomondan zarba berdi, qaytgan to'pga Antonio Vergara bosh bilan yakun yasadi, ammo zarba sust chiqib, darvozabon osonlik bilan ushladi.
Ikkinchi bo'limda bergamasqlar bosimni kuchaytirdi va 61-daqiqada muvozanatni tikladi: Nikola Zalyevski burchak zarbasidan yaqin ustunga to'p uzatdi, Mario Pashalich esa bosh bilan aniq zarba yo'llab, hisobni tenglashtirdi — 1:1. Shundan so'ng Janluka Skamakka jarima maydoni tashqarisidan o'ng burchakka zarba berdi, biroq darvozabon seyv bilan jamoasini qutqardi.
Hal qiluvchi gol 81-daqiqada urildi: Lorenso Bernaskoni chap qanotdan yorib kirib uzatma amalga oshirdi, Lazar Samardjich havodagi kurashda ustun kelib, to'pni o'ng ustun yoniga yo'lladi — 2:1.
G'alabadan so'ng “Atalanta” turnir jadvalida “Komo” bilan birga oltinchi o'rinni bo'lishib turibdi, “Napoli” esa uchinchi pog'onada qoldi.
“Zamin”ni Telegramʻda oʻqing!
