Angliya futboli sobiq vakili Jeymi Karrager Mikel Artetaning Viktor Dyo'kereshni “Tottenxem”ga qarshi derbida start tarkibida tushirish qarorini ijobiy baholadi. London derbisida “Arsenal” 4:1 hisobida g'alaba qozondi. Bu haqda euro-football.ru xabar beradi.
Uchrashuv qahramonlaridan biri aynan Dyo'keresh bo'ldi — hujumchi dubl qayd etdi. Karrager bundan avval bir necha bor shved futbolchisi “kanonirlar”ning asosiy tarkibida o'ynashga loyiq emasligini aytib kelgan edi.
“Artetaga tan beraman. Menimcha, ular Dyo'kereshni asosiy tarkib variantidan chiqarishi kerakdek tuyulgandi, ammo murabbiy uni o'yindan o'yinga startda tushirishda davom etdi. Shuning uchun Arteta maqtovga loyiq. U futbolchiga ishonishni to'xtatmadi — Dyo'keresh esa oxir-oqibat bu ishonchning haqqini qaytardi”, — dedi Karrager Sky Sports efirida yakshanba kungi o'yin xulosasida.
Joriy mavsumda Viktor Dyo'keresh “Arsenal” safida 36 uchrashuvda maydonga tushib, 15 ta gol urdi.
“Zamin”ni Telegramʻda oʻqing!
