Braziliya terma jamoasi bosh murabbiyi Karlo Anchelotti Krishtianu Ronaldu haqida fikr bildirdi va uning mehnatsevarligi hamda intizomini alohida ta’kidladi. Bu haqda euro-football.ru xabar beradi.
Anchelottining aytishicha, Ronaldu u ishlagan futbolchilar orasida eng professional ijrochilardan biri. Murabbiy Cadena SER nashriga bergan izohida portugaliyalik yulduz bilan bo‘lgan suhbatni eslab o‘tdi: “Bir safar u menga: ‘Juda ko‘p suv o‘simlikni o‘ldiradi’, degandi. Futbol jismonan juda ko‘p narsa talab qiladi, ammo tiklanish ham nihoyatda muhim. Ko‘plab jarohatlar aynan ortiqcha yuklama oqibatida kelib chiqadi”, — dedi Anchelotti.
Hozir 41 yoshli Krishtianu Ronaldu Saudiya Arabistonining “An-Nasr” klubida to‘p surmoqda. Uning shartnomasi 2027 yil o‘rtalarigacha mo‘ljallangan. Ronaldu faoliyati davomida besh bor “Oltin to‘p” sovrinini qo‘lga kiritgan.
“Zamin”ni Telegramʻda oʻqing!
