Tajribali murabbiy Yuriy Semin PSJning hozirgi holati haqida fikr bildirdi. Uning aytishicha, Luis Enrike boshqaruvidagi parijliklar Chempionlar ligasida yana gʻolib chiqish uchun yetarli salohiyatga ega. Bu haqda euro-football.ru xabar beradi.
Semin oʻtgan mavsum natijasini ham eslatib oʻtdi: PSJ klublar tarixida ilk bor Chempionlar ligasi kubogini qoʻlga kiritgan, finalda esa “Inter”ni 5:0 hisobida yirik magʻlub etgan edi.
“Ularning ketma-ket ikkinchi bor Chempionlar ligasini yutish imkoniyati bor. Fransiya chempionatida futbolchilarning katta qismi rotatsiya asosida maydonga tushdi. Menimcha, ular kuchni Chempionlar ligasi uchun tejab kelmoqda”, — deya Semin soʻzlarini keltiradi “Sport-Ekspress”.
Pley-off bosqichiga chiqish yoʻlida PSJ “Monako”dan qiyinchilik bilan oʻtdi: safarda 3:2 hisobida yutdi, uyda esa 2:2 durang qayd etildi. 1/8 finalda parijliklarni ancha jiddiy raqib kutadi — “Barselona” yoki “Chelsi”.
“Zamin”ni Telegramʻda oʻqing!
