Argentina chempionatida bir haftalik tanaffus e'lon qilindi: 9-tur uchrashuvlari keyinroq o'tkaziladi. Bunga mahalliy futbol federatsiyasi atrofida navbatdagi korrupsiya mojarosi sabab bo'ldi. Bu haqda euro-football.ru xabar beradi.
Qiziq jihati shundaki, 7 va 8-tur o'yinlari reja bo'yicha bo'lib o'tadi, tanaffus esa aynan 9-tur taqvimiga to'g'ri keladi. Uchrashuvlar dastlab 5–8 mart kunlari o'tkazilishi kerak edi, biroq 5 mart kuni AFA prezidenti Klaudio Tapia tribunal oldida javob berishi kutilayotgani bois taqvim o'zgartirildi.
derbyderbyderby.it xabariga ko'ra, sobiq futbolchilar va xodimlarga pensiya to'lovlari bilan bog'liq sxema orqali 19 milliard peso miqdoridagi soliqlardan qochilgani aytilmoqda. Yevro hisobida ham bu summa sezilarli — qariyb 12 millionga teng. Shuningdek, federatsiya pul yuvish jarayonlarida ham ishtirok etgan bo'lishi mumkinligi bo'yicha shubhalar bor.
“Zamin”ni Telegramʻda oʻqing!
