Himoyachi Benvzhemen Pavarning kelasi yozgi transfer oynasida yana klubini o'zgartirishi ehtimoli bor. Bu haqda euro-football.ru xabar beradi.
Hozirda fransuz futbolchi mavsum oxirigacha «Inter»dan ijaraga olingan holda «Marsel» safida o'ynamoqda. Biroq klub 15 mln yevrolik sotib olish bandini faollashtirishni rejalashtirmoqda.
Jurnalist Nikolo Skiraning xabariga ko'ra, 29 yoshli futbolchi bo'yicha yaqinda Dortmundning «Borussiya»si so'rov yuborgan, shuningdek, Saudiya Arabistonidan nomi oshkor etilmagan klub ham qiziqish bildirmoqda. «Neradzurri» rahbariyati esa Pavarning taqdirini yozda hal qilib, uni sotishdan umidvor.
Transfermarkt portalida Pavarning qiymati 20 mln yevroga baholanmoqda. Uning «Inter» bilan shartnomasi 2028 yil o'rtalarigacha amal qiladi.
“Zamin”ni Telegramʻda oʻqing!
