Chempionlar Ligasi 1/8 final bosqichiga qur’a tashlash marosimi yakuniga ko‘ra, Myunxenning «Bavariya» jamoasi «Atalanta» bilan to‘qnash keladigan bo‘ldi. Ikki o‘yinlik duel haqida nemis klubining tajribali darvozaboni Manuel Noyer o‘z fikrini bildirdi. Bu haqda euro-football.ru xabar beradi.
«Ularning kichik resurslardan ham katta natija chiqarishi taassurot uyg‘otadi. Menimcha, eng yaxshi kunida ular tog‘ni ham ag‘darib tashlashi mumkin. Shu bois ilk uchrashuv Bergamoda o‘tishi yomon emas — undan keyin biz o‘zimiz qaysi darajada ekanimizni aniqroq bilib olamiz», — dedi Noyer.
«Atalanta» pley-off yo‘llanmasi uchun o‘tgan bahslarda Dortmundning «Borussiya»sini safdan chiqargan: ikki uchrashuv natijasiga ko‘ra umumiy hisob 4:3. «Bavariya» uchun esa italiyaliklarga qarshi o‘yinlar bu mavsum Chempionlar Ligasi pley-offidagi ilk sinov bo‘ladi. Vensan Kompani boshqaruvidagi jamoa umumiy bosqichni ikkinchi o‘rinda yakunlagan.
“Zamin”ni Telegramʻda oʻqing!
