Liga 1ning 24-turi ochilish uchrashuvida «Lans» turnir jadvalida yana birinchi pog‘onaga ko‘tarilish imkoniyatini qo‘lga kiritgandi. Buning uchun jamoa safarda «Strasburg»ni mag‘lub etishi kerak edi. Bu haqda euro-football.ru xabar beradi.
Bahsdagi dastlabki xavfli vaziyat mezbonlar tomonida yuzaga keldi: Xulio Ensiso hisobni ochishga yaqin kelganida, darvozabon zarbani burchak to‘piga qaytardi. 18-daqiqada esa Xoakin Panichelli himoyachidan to‘pni olib qo‘yib, darvozaga qarab yorib kirdi va hujumni gol bilan yakunladi — 1:0. Keyinroq Odsonn Eduar jarima maydonida e’tiborsiz qolgan bo‘lsa-da, zarbasi darvoza aniqligiga to‘g‘ri kelmadi.
62-daqiqada «Lans» baribir hisobni tenglashtirdi: Mamadu Sangare uzoq masofadan aniq zarba yo‘llab, jamoasini qutqarib qoldi — 1:1. Durangdan so‘ng «Strasburg» 7-o‘rinda bormoqda, «Lans» esa 2-pog‘onada qolib, peshqadamdan bir ochko ortda yuribdi.
“Zamin”ni Telegramʻda oʻqing!
