PSJ darvozaboni Matvey Safonov bo‘sh vaqtida rus bilyardi o‘ynashni yoqtirishini ma’lum qildi. Bu haqda euro-football.ru xabar beradi.
Uning aytishicha, bu qiziqish «Krasnodar»dagi davridan boshlangan: jamoa bazasida bilyard stoli bo‘lgan va futbolchilar vaqti-vaqti bilan bir-ikki partiya o‘ynab turishgan.
Safonov Telegram sahifasida yozishicha, dastlab hammasi uy yonidagi oddiy bilyard klubida do‘stlar bilan uchrashuvlardan boshlangan, keyin esa sekin-asta jiddiyroq qiziqishga aylangan: u o‘z kiyini sotib olgan, hatto individual mashg‘ulotlarni ham sinab ko‘rgan.
Vaqt o‘tib darvozabon bilyardni professional darajaga olib chiqishni istamasligini anglab, uni faqat hobi sifatida qoldirishga qaror qilgan va o‘yinini kuchaytirish ustida ishlashni to‘xtatgan.
“Zamin”ni Telegramʻda oʻqing!
