Marcelo Gallardo murabbiy sifatida so'nggi uchrashuvini o'tkazdi: jamoasi Banfildga qarshi 3:1 hisobida g'alaba qozonib, ketma-ket uchta mag'lubiyatdan iborat omadsiz seriyaga nuqta qo'ydi. Bu haqda euro-football.ru xabar beradi.
Aynan shu yomon natijalar Gallardoning lavozimini saqlab qolishiga xalal bergani aytilmoqda, biroq klub unga munosib tarzda xayrlashish imkonini berdi. U esa uchrashuvdan keyingi lahzalarda hissiyotlarini yashirmadi.
"Hammaga shunchaki rahmat. Sizlarning muhabbatingizni so'z bilan ifodalash qiyin. Men abadiy ketmayapman. Riverdan hech kim abadiy ketmaydi. Bu sehrli joy: ketsang ham, baribir klub bilan qolasan", dedi Gallardo ko'z yoshlarini tiyolmay.
Eslatib o'tamiz, Gallardo 1990-yillarda River tarkibida ham, Argentina terma jamoasida ham to'p surgan.
“Zamin”ni Telegramʻda oʻqing!
