Марсело Гальярдо мураббий сифатида сўнгги учрашувини ўтказди: жамоаси Банфилдга қарши 3:1 ҳисобида ғалаба қозониб, кетма-кет учта мағлубиятдан иборат омадсиз серияга нуқта қўйди. Бу ҳақда euro-football.ru хабар беради.
Айнан шу ёмон натижалар Гальярдонинг лавозимини сақлаб қолишига халақит бергани айтилмоқда, бироқ клуб унга муносиб тарзда хайрлашиш имконини берди. У эса учрашувдан кейинги лаҳзаларда ҳиссиётларини яширмади.
"Ҳаммага шунчаки раҳмат. Сизларнинг муҳаббатингизни сўз билан ифодалаш қийин. Мен абадий кетмаяпман. Ривердан ҳеч ким абадий кетмайди. Бу сеҳрли жой: кетсанг ҳам, барибир клуб билан қоласан", деди Гальярдо кўз ёшларини тийолмай.
Эслатиб ўтамиз, Гальярдо 1990-йилларда Ривер таркибида ҳам, Аргентина терма жамоасида ҳам тўп сурган.
“Zamin”ни Telegram'да ўқинг!
