Google barcha qurilmalariingizni kuzatishni boshlaydi: foydalanuvchilar nimalarni bilishi kerak?

Google kompaniyasi yaqin olti hafta ichida qurilmalar bilan ishlash uslubini oʻzgartirib yuboradigan yangi funktsiyani ishga tushirishini e'lon qildi. Endi Google faqat Chrome va Android emas, balki barcha qurilmalardan ma'lumotlarni yigʻishni boshlaydi. Ushbu tashabbus Find My Device xizmati orqali amalga oshiriladi.

Qanday ishlaydi?
Yangi tizim barcha qurilmalarning ulkan tarmogʻidan foydalanib, anonim va shifrlangan ma'lumotlar bazasini yaratadi. Bu foydalanuvchilarga yoʻqolgan telefonlar, planshetlar, naushniklar va boshqa qurilmalarni topishda yordam beradi. Ushbu tizim Apple Find My texnologiyasiga oʻxshaydi, bunda millionlab qurilmalar yagona tarmoqqa birlashtiriladi.

Ehtimoliy xavflar
Biroq, ushbu yangilik shaxsiy ma'lumotlar xavfsizligi boʻyicha xavotir uygʻotmoqda. Google ma'lumotlarning shifrlangan va anonim boʻlishini ta'kidlasa-da, barcha foydalanuvchilar oʻz ma'lumotlarini kompaniyaga toʻliq ishonib topshirishga tayyor emas.

Mutahassislar tizimning notoʻgʻri foydalanish ehtimolini ham eslatib oʻtmoqda. Masalan, tajovuzkorlar qurilmalarni egalari xabariciz kuzatib borishga urinishi mumkin. Google bunday holatlarning oldini olish uchun maxsus xavfsizlik mexanizmlarini joriy qildi, jumladan, Bluetooth-trekerlar yordamida ruxsatsiz kuzatuv haqida bildirishnomalar yuborish funktsiyasi.

Ma'lumotlaringizni qanday himoya qilish mumkin?
Agar siz maxfiylik masalasida xavotirda boʻlsangiz, Google akkauntingizdagi kuzatuv sozlamalarini tekshirib, boshqarishingiz mumkin. Kompaniya foydalanuvchilarga ortiqcha funktsiyalarni oʻchirib qoʻyib, shaxsiy ma'lumotlarini nazorat ostida saqlashni tavsiya etadi. “Zamin” yangiliklarini “Telegram”da kuzatib boring