Google барча қурилмалариингизни кузатишни бошлайди: фойдаланувчилар нималарни билиши керак?

Google компанияси яқин олти ҳафта ичида қурилмалар билан ишлаш услубини ўзгартириб юборадиган янги функцияни ишга туширишини эълон қилди. Энди Google фақат Chrome ва Android эмас, балки барча қурилмалардан маълумотларни йиғишни бошлайди. Ушбу ташаббус Find My Device хизмати орқали амалга оширилади.

Қандай ишлайди?
Янги тизим барча қурилмаларнинг улкан тармоғидан фойдаланиб, аноним ва шифрланган маълумотлар базасини яратади. Бу фойдаланувчиларга йўқолган телефонлар, планшетлар, наушниклар ва бошқа қурилмаларни топишда ёрдам беради. Ушбу тизим Apple Find My технологиясига ўхшайди, бунда миллионлаб қурилмалар ягона тармоққа бирлаштирилади.

Эҳтимолий хавфлар
Бироқ, ушбу янгилик шахсий маълумотлар хавфсизлиги бўйича хавотир уйғотмоқда. Google маълумотларнинг шифрланган ва аноним бўлишини таъкидласа-да, барча фойдаланувчилар ўз маълумотларини компанияга тўлиқ ишониб топширишга тайёр эмас.

Мутаҳассислар тизимнинг нотўғри фойдаланиш эҳтимолини ҳам эслатиб ўтмоқда. Масалан, тажовузкорлар қурилмаларни эгалари хабариcиз кузатиб боришга уриниши мумкин. Google бундай ҳолатларнинг олдини олиш учун махсус хавфсизлик механизмларини жорий қилди, жумладан, Bluetooth-трекерлар ёрдамида рухсатсиз кузатув ҳақида билдиришномалар юбориш функцияси.

Маълумотларингизни қандай ҳимоя қилиш мумкин?
Агар сиз махфийлик масаласида хавотирда бўлсангиз, Google аккаунтингиздаги кузатув созламаларини текшириб, бошқаришингиз мумкин. Компания фойдаланувчиларга ортиқча функцияларни ўчириб қўйиб, шахсий маълумотларини назорат остида сақлашни тавсия этади. “Замин” янгиликларини “Telegram”да кузатиб боринг