Xitoy va fransiyalik olimlar Zika bezgagiga qarshi vaksinani ishlab chiqishdi. Bu haqda XXR fanlar akademiyasi huzuridagi Paster instituti direktori Tan Xun ma’lum qilgan, deb yozadi Kun.uz nashri.
"Bu AQSh va Fransiyada ishlab chiqilgan vositalardan so‘ng, hisob bo‘yicha dunyodagi ettinchi hamda Osiyodagi birinchi Zika virusiga qarshi vaksinadir. U klinik sinovlardan avvalgi tadqiqot bosqichiga etib keldi. Vaksiya Afrikada 2019 yildayoq ishlatilishi mumkin", - deya Tan Xun so‘zlarini keltiradi Sinxua agentligi.
Shanxaydagi Paster instituti ilmiy xodimi Xuan Chjunning ta’kidlashicha, ular tomonidan ishlab chiqilgan vaksina xavfsiz bo‘lib, Zika bezgagi bilan kurashda samaralidir.
Bunday vaksinani yaratishda gen muhandisligi uslubidan foydalaniladi, DNK gibridli molekulalari shaklidagi genetik tuzilmalar tashkil etiladi. Vaksinani yaratish bir necha bosqichda amalga oshiriladi.
Ma’lumot uchun, Zika bezgani – maymunlarning o‘tkir yuqumli kasalligi bo‘lib, ba’zida insonga chivinlar chaqishi orqali yuqadi. Virus ayniqsa homilador ayollar uchun xavflidir, sababi homilada bosh miya kasalliklari paydo bo‘lishiga olib keladi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
