Yoningizda turgan smartfon, hattoki tovushi o‘chirilgan bo‘lsada, kishining diqqati, yaratuvchanlik va mantiqiy fikrlash qobiliyatini susaytirar ekan. Xarvard Biznes revyu nashri yozishiga qaraganda inson yaqinida turgan smartfon doimo diqqatning bir qismini o‘ziga jalb qilib turadi.
Nashrda yozilishiga ko‘ra, 4 nafar marketing va psixologiya mutaxassislari: Kristen Dyuk, Edrian Uord, Eylet Gnizi, Marten Boslar 800 kishi ishtirokida qiziqarli ilmiy izlanish o‘tkazishgan.
Izlanish ishtirokchilari 2 bosqichda turli vazifalarni bajarishlari kerak bo‘lgan: birinchi bosqichda matematik masalalar yechish va raqamlarni eslab qolish, ikkinchi bosqichda – mantiqiy va ijodiy masalalar yechishlari kerak bo‘lgan.
Ushbu amaliyotlarni bajarayotgan fuqarolarning bir guruhiga telefon tovushi va vibratsiya signalini o‘chirib yonlariga stol ustiga qo‘yib qo‘yish, ikkinchi guruhga telefonni cho‘ntaklariga solib qo‘yish, uchinchi guruhga esa telefonlarini boshqa xonada qoldirib kirish so‘ralgan.
Tadqiqot natijalari izlanuvchilarni hayratda qoldirgan. Berilgan topshiriqlarni eng yaxshi bajarganlar — telefonlarini qo‘shni xonada qoldirib kelganlar bo‘lgan. Eng yomon natija ko‘rsatganlar esa – telefonlarini stol ustiga qo‘yganlar bo‘lgan.
Bundan yagona xulosa – telefon doimo inson oldida bo‘lsa, hatto uning tovushi o‘chirilgan bo‘lsa-da, kishining miya faoliyatiga salbiy ta’sir ko‘rsatadi. Chunki smartfondan foydalanishga o‘rganib qolgan kishi, o‘zi buni yaqqol anglamasada, doimiy ravishda yangi biror xabar kelmadimikin degan fikr bilan tez-tez tekshirib ko‘rgisi keladi. Ko‘pchilik bunday harakatlardan o‘zini tiyib tura olsada, miyaning bir qismi ana shu fikr bilan band bo‘ladi.
Aynan shu sababdan, imtihon, leksiya yoki biror yig‘ilishga telefon olib kirgan kishining faoliyati samaradorligi, telefonsiz kelgan kishiga nisbatan sust bo‘lar ekan.
Undan tashqari rivojlangan mamlakatlarda smartfonlardan o‘ta faol foydalanayotgan kishilar kamgap va odamovi bo‘lib qolishi ham kuzatilmoqda. Yaponiya, Buyuk Britaniya kabi rivojlangan mamlakatlarda: jamiyatda kishilar orasidagi jonli muloqot kamayib, ba’zilar hatto oila davrasida ham kam muloqot qiladigan bo‘lib qolmoqda. Kuzatilayotgan yana bir xavotirli holat – bu sotuvchi bilan jonli muloqotdan qochish niyatida, hamma narsani internet orqali xarid qiladigan yoshlar toifasi paydo bo‘layotganidir.
Smartfonlar foydasi va zararini yaxshilab o‘rganilgan ba’zi mamlakatlarda odamlar haftaning bir kuni yoki har kunning bir soati davomida telefonlarini o‘chirib qo‘yib, o‘z oila a’zolari va atrofdagilar bilan “jonli muloqot vaqti” tashkil qilishni odat qilib olmoqda.
Mualliflar haqida: Kristen Dyuk — Kaliforniya universitetida marketing fanlari nomzodi. Edrian Uord — Texas universitetida marketing kafedrasi dotsenti. Eylet Gnizi — Kaliforniya universitetida marketing va kishilar xulq-atvorini o‘rganish fakulteti dotsenti. Marten Bos — Karnegi-Mellon Universitetida ilmiy xodim.
Manba: Sof.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Pnevmatik qurollarni o‘z ixtiyori bilan topshirganlar javobgarlikdan ozod etiladi
Messining salkam 1 million dollarga sotilgan salfetkasi haqida
Shimoliy Koreya yangi ko‘rsatkichlarga ega ballistik raketani sinovdan o‘tkazdi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Jizzaxda uchta yuk mashinasi ishtirokida YTH sodir bo‘ldi
Ukraina prezidenti mahbuslarni safarbar qilish to‘g‘risidagi qonunni imzoladi
