The Economist нашри ёзишича, Доналд Трампнинг тинчлик йўналишида Нобел мукофотини қўлга киритишга бўлган кучли интилиши Европа давлатлари учун ундан фойдаланиш имкониятини яратади. Хусусан, улар унинг Украинага оид позициясига таъсир ўтказиш воситаси сифатида бу масалани қўлга киритишлари мумкин.
Албатта, Норвегия Нобел қўмитаси қарорларига бевосита таъсир кўрсатиш деярли мумкин эмас. Бироқ Трамп номзодини илгари суришнинг ўзи дипломатик рамз сифатида хизмат қилиши, Европа давлатларига АҚШ раҳбари билан муносабатларни юмшатиш ва ҳамкорликни кучайтириш учун бир турдаги ишора сифатида баҳоланиши мумкин.
АҚШ президенти бу мукофотни қанчалик хоҳлаётганини ошкор айтмаётган бўлса-да, унинг атрофидаги жамоа мунтазам равишда унинг тинчликпарварлик йўлидаги ютуқларини оммавий равишда тарғиб қилиб келмоқда. Хусусан, Трамп ўзини олтита йирик халқаро низоларни ҳал этишда иштирок этган сиёсатчи сифатида кўрсатган. Унга кўра, агар у Россия-Украина урушига нуқта қўя олса, бу унинг “жаннат эшигига йўл олиши”га замин яратиши мумкин.
Трамп номзодлиги аллақачон қатор давлат ва етакчилар томонидан қўллаб-қувватланган. Улар орасида Озарбайжон президенти Илҳом Алиев, Арманистон бош вазири Никол Пашинян, Камбожа бош вазири Хун Сен, Габон раҳбари Брайс Олиги Нгема, Исроил бош вазири Бенямин Нетаняҳу, Покистон ҳукумати ҳамда Руанда ташқи ишлар вазири Оливе Ндухунгирехе кабилар бор.
Энди эса асосий савол — ушбу рўйхатга Европа етакчилари ҳам қўшиладими? Агар шундай бўлса, Трампнинг Нобел имкониятлари кескин ортади. Аммо бу воқеликка айланадими ёки йўқ — вақт кўрсатади.
Жамоатчилик ва сиёсий кузатувчилар учун энг қизиқ жиҳат — Доналд Трамп ўз сиёсий карьерасида Нобел мукофотига қадар етиб бора оладими ёки бу ҳам унинг орзулари қаторида қолиб кетадими?
«Замин»ни Telegram’да ўқинг!
