Бавария жамоасининг Чемпионлар лигаси финалига чиқиш орзулари Пари Сен-Жермен билан кечган дурангдан сўнг барбод бўлди. Мюнхенда ўтган жавоб учрашуви 1:1 ҳисобида якунланди, аммо икки ўйин натижасига кўра, PSJ 6:5 ҳисобида ғалаба қозониб, финал йўлланмасини қўлга киритди. Бу ҳақда Goal.com хабар беради.
Учрашувнинг дастлабки дақиқаларидаёқ меҳмонлар ҳисобни очишди. Хвича Кваратсхелиянинг ажойиб узатмасидан сўнг Усман Дембеле дарвозани ишғол қилди. Бавария вазиятни ўнглашга уринган бўлса-да, Мануэль Нойер бир неча бор жамоани муқаррар голлардан сақлаб қолди.
Иккинчи бўлимда ҳам PSJ хавфли ҳужумлар уюштиришда давом этди. Ўйин якунида Гарри Кейн ҳисобни тенглаштирган бўлса-да, бу Бавария учун етарли бўлмади. Шу тариқа, PSJ 30-май куни Будапештда бўлиб ўтадиган финалда Арсенал жамоасига қарши майдонга тушади.
Бавария ҳимоячилари, хусусан Дайо Упамекано рақиб ҳужумларини тўхтатишда қийналди. Хвича Кваратсхелиянинг тезлиги ва техникаси мюнхенликлар ҳимоя чизиғи учун катта муаммоларни келтириб чиқарди.
“Zamin”ни Telegram'да ўқинг!
