Олхўрини ортиқча истеъмол қилиш ҳатто соғлом инсон учун ҳам хавфли ҳисобланади. Кўп ҳолларда меваларнинг зарари улардан фойдаланишнинг нотўғрилиги билан боғлиқ.
Олхўрини маълум бир тоифадаги инсонлар истеъмол қилиши мумкин эмас:
- маҳсулотдаги глюкоза ва фруктозанинг юқори даражаси туфайли диабет ва вазн ортиши юзага келиши мумкин;
- юқори кислоталилик гастритнинг кучайишига сабаб бўлади;
- индивидуал таъсирчанлик;
- эмизикли оналар олхўрини истеъмол қилиши мумкин эмас, сабаби олхўри истеъмол қилиш чақалоқларда диарея ва қорин дам бўлишига олиб келиши мумкин.
Болаларнинг олхўри истеъмол қилиши
Олхўрини эҳтиёткорлик билан рационга қўшиш керак. Кўп миқдорда олхўри истеъмол қилган болалар ошқозон бузилиши, шунингдек, эпигастрал минтақада оғриқни бошдан кечиришлари мумкин (қориннинг марказий қисми ва киндик устида жойлашган).
3 ёшгача бўлган болаларга янги узилган олхўриларни истеъмол қилиш тавсия этилмайди. Педиатрлар бўтқа ва творогга оз миқдорда олхўри пюресини қўшиш мумкинлигини таъкидлашади.
Флавоноидларни ўз ичига олган кўп сабзавот ва меваларни истеъмол қиладиган инсонларнинг саломатлиги яхшиланади, юрак-қон томир тизими касалликлари ва неоплазмалардан камроқ азобланади. Бу каби фойдали компонентларни олхўридан топиш мумкин.
Олхўрида фаол моддалар флавоноидлар, яъни антосиянинлар мавжуд бўлиб, уларга бинафшаранг беради. Мевалар қайта ишлангандан кейин ҳам фойдали хусусиятларини сақлаб қолади.
Олхўри таркибида:
- витамин C;
- витамин А;
- фруктоза ва сахароза;
- хун толаси;
- органик кислоталар;
- азотли моддалар, танинлар;
- макро ва микроэлементлар.
Олхўрининг асосий фойдали хусусияти ичакларни юмшоқ тозалаш ва ошқозон-ичак тракти фаолиятини нормаллаштиришдир. Олхўри иштаҳани қўзғатиш ва ичак моторикасини ошириш қобилиятига эга, атеросклероз учун фойдали, қон томирлари деворларида холестерин тўпланишини камайтиради.
Агар соғлиғингизда ҳеч қандай муаммо бўлмаса, кунига 3-4 дона, диареяга мойил бўлсангиз иккитадан кўп бўлмаган миқдорда истеъмол қилишингиз мумкин.
Олхўри турли хил бўтқалар билан бирлаштириш мумкин. Улар иккинчи нонушта ёки кечки овқатдан кейин ажойиб десерт бўла олади. Оч қоринга олхўри истеъмол қилиш ва унинг устидан сут ичиш мумкин эмас.
“Замин” янгиликларини “Инстаграм”да кузатиб боринг
