Осиё минтақасида бир неча кундан бери тинимсиз ёмғир ва кескин кучайган сув тошқинлари катта фожеаларга олиб келмоқда. “Reuters” тарқатган маълумотларга кўра, Таиланд, Малайзия ва Индонезияда ҳалок бўлганлар сони кескин ошди.
Таиланд: қурбонлар сони 55 нафарга етди
Таиландда бир ҳафталик ёмғир оқибатида юзага келган сел ва тошқин 55 кишининг умрига зомин бўлди. Энг кўп зарар кўрган Хат Яи шаҳрида сув секин-асталик билан чекланаётгани айтилмоқда. Бу аҳолига ёрдам етказиш ва инфратузилмани тиклаш ишларини тезлаштириши мумкин.
Ҳукумат том куёвларда қолаётган одамларга вертолётлар орқали озиқ-овқат ва тиббий ёрдам юбормоқда. Дронлар орқали кузатув ва қутқарув ишлари ҳам олиб борилмоқда. Расмийлар жанубий ҳудудларда тахминан 3 миллион киши зарар кўрганини билдирди.
Малайзия: 34 мингдан ортиқ аҳоли эвакуация қилинди
Қўшни Малайзияда ҳам узлуксиз ёмғир кучли сув тошқинларини келтириб чиқарди. Етти штатда сув тошқинлари қайд этилган, икки киши ҳалок бўлгани тасдиқланди. 34 мингдан ортиқ аҳоли вақтинчалик марказларга кўчирилган.
Индонезия: Суматрада кучли циклон ва кўчкилар
60 миллион аҳоли яшайдиган Суматра оролида тропик циклон катта талофатларга сабаб бўлди. Сел, кўчки ва кўтарилган сув оқибатида камида 100 киши бедарак йўқолган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
