Ўзбекистонда электрон сигареталарга оид қонунчилик кескин кучайтирилди. 27 ноябрь куни қабул қилинган янги қонунга кўра, электрон сигареталарни тайёрлаш, сақлаш, ташиш ёки сотиш энди жиддий жиноят сифатида баҳоланади.
Янги ўзгартишларга биноан, мамлакат ҳудудида муомаласи тақиқланган тамаки маҳсулотлари ва никотин етказиб берувчи электрон мосламаларни ишлаб чиқариш ёки уларни олиб кириш-жойлаштириш катта миqdорда амалга оширилса, жавобгарлик жуда қаттиқ:
— 123,6 млн — 206 млн сўмгача жарима,
— 2–3 йил ахлоқ тузатиш ишлари,
— 3–5 йил озодликни чеклаш,
— ёки 3–5 йилга озодликдан маҳрум қилиш.
Энг муҳим жиҳати — агар шахс ушбу маҳсулотларни ихтиёрий равишда топшириб, айбини тан олса, у жавобгарликдан озод этилади.
Шунингдек, “Алкоголь ва тамаки маҳсулотларини чеклаш тўғрисида”ги қонунга ҳам тузатишлар киритилиб, электрон сигареталар ва уларнинг суюқликларини айлантириш тўлиқ тақиқланди.
Янги тартиб мамлакатда никотин мосламаларининг тарқалишини чеклаш ва ёшлар соғлиғини ҳимоя қилишга қаратилгани айтилади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
