“Новза” бекатидаги шармандали қилмиш болага 5 суткага тушди

Тошкент метросида содир бўлган нохуш ҳолат юртдошлар орасида кескин муҳокамага сабаб бўлди. “Новза” бекатида бегона аёлга жинсий мазмунда шилқимлик қилган 21 ёшли йигит суд қарори билан маъмурий жазога тортилди.

Маълумотларга кўра, 12 ноябрь куни у аёлнинг орқа томонига танасининг жинсий аъзосини теккизиб, унинг шаъни ва қадр-қимматига дахл қилган. Жабрланувчи ҳам бу ҳаракатни тасдиқлаб, қарор қабул қилиниши зарурлигини айтган.

24 ноябрь куни ўтказилган суд мажлисида йигит айбини тан олган ва пушаймонлигини билдирган. Суд уни Маъмурий жавобгарлик тўғрисидаги кодекснинг 41-1-моддасига асосан айбли деб топиб, 5 сутка маъмурий қамоқ жазосини тайинлади.

Шунингдек, у қамоқда сақлаш харажатлари сифатида 309 минг сўм тўлаши шарт деб белгиланди.

Kamola Shuhratova

«ZAMIN.UZ» муҳаррири