Беларусь президенті Александр Лукашенко Ресей басшысы Владимир Путинмен кездесуде елде екінші атом электр станциясын салу туралы ұсыныс жасады. Бұл туралы Кремль сайтында жарияланған кездесу стенограммасы арқылы белгілі болды.
Лукашенконың айтуынша, жаңа АЭС шығыс Беларусьте салынуы мүмкін. Оның негізгі мақсаттарының бірі Ресей басып алған Херсон, Запорожье, Луганск және Донецк аймақтарына электр энергиясын жеткізу болып табылады.
Лукашенко «Росатом» жобаны жүзеге асыруға мүмкіндік дайындап жатқанын айтып, қаржылық аспектілерді көпшілік алдында талқылағысы келмейтінін білдірді. Путин бұл ұсынысты тікелей қолдамай, «Егер электр энергиясын алып, қажетті тарифті төлейтін тұтынушы болса, бұл мүлдем проблема емес», — деп жауап берді.
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз
Тақырыпқа қатысты жаңалықтар
