SpaceX Ай мен Марс үшін сынақ ұшырылымын өткізді

SpaceX-тің Ай мен Марсқа бағытталған миссиялары қалай өтіп жатыр, деп Uz24.uz хабарлады

13-қазан, дүйсенбі күні SpaceX өзінің әлеуметтік желідегі парақшасында компания Starship прототипі зымыранының 11-сынамалық ұшырылымын сәтті аяқтағанын мәлімдеді

Зымыран прототипі Техас штатындағы Starbase ұшыру алаңынан жергілікті уақыт бойынша 18:24-те (Мәскеу уақытымен 2:24) көкке көтерілген

Starship ғарышқа ұшырылғаннан кейін Super Heavy күшейткіші әуеге көтерілгеннен шамамен 10 минут өткен соң Мексика шығанағына оралған

Ұшу барысында Starlink жасанды жер серігінің үлгілері де орбитаға шығарылғаны белгілі болды Бұл ұшу — Ай мен Марсқа арналған миссияларға қосымша функцияларды сынақтан өткізу алдындағы соңғы тест болған

Starship, Super Heavy-мен бірге биіктігі 123 метр болып, тарихтағы ең ірі және ең қуатты ғарыштық зымыран болып есептеледі

SpaceX бұл зымыранын қайта қолдануға жарамды күйде жасап шығаруды мақсат еткен, мұндай тәсіл ғарыштық ұшулардың шығынын едәуір азайтады

Илон Масктың жоспарына сәйкес, Starship 2026-жылы Марсқа ұшуы, сондай-ақ NASA-ның Айға бағытталған басқарылатын миссияларына да қатысуы көзделген

Starship сынақтары 2023 жылдан бері жалғасып келеді және жақын арада жаңа кезеңдерге өтуі күтілуде