Ұлыбританияның Оңтүстік Уэльс аймағында екі жүзуші жасанды интеллект ұсынысы салдарынан өлім аузында қалды. Futurism басылымының хабарлауынша, олар су толқынының уақыты туралы ақпаратты ChatGPT арқылы алып, дұрыс есептемеген.
Салли аралынан жағаға қайтуды жоспарлаған екі адам жүзу алдында нейрон желісінен төмен және жоғары су уақыты туралы сұрады. Бірақ AI оларға дұрыс емес кестені көрсетті.
"Мен ChatGPT арқылы төмен су уақытын тексеріп, үлкен қате жібердім. Онда 9:30 деп жазылған. Біз жетіп аламыз деп ойладық, бірақ қайтып оралғанда жағдай мүлдем басқаша болды. Бұл біз үшін үлкен сабақ болды," - деді жүзушілердің бірі.
Абырой болғанда, оларға теңіз жағасындағы мейрамхананың иесі Гордон Хэдфилд көмекке келді. Ол толқынның тез көтерілгенін көріп, мегафонды алып, жүзушілерді кері қайтуға шақырды.
"Олар жарты жолда болды, ал су тез көтеріліп келе жатты. Егер олар жалғасқанда, нәтиже қайғылы болуы мүмкін еді," - деді ол.
Мәліметтерге қарағанда, оқиға болған шығанақ әлемдегі ең күшті толқын қозғалыстарымен танымал - толқынның биіктігі 15 метрге дейін жетуі мүмкін. Ағыстар сағатына 13 шақырым жылдамдықпен қозғалып, бірнеше минут ішінде қауіпсіз жерді апатты аймаққа айналдырады.
"Бұл жасанды интеллект ешқашан адамның саналы зейіні мен тәжірибесін толық алмастыра алмайтынын еске салады," - деп қорытындылады Хэдфилд.
“Zamin”-ді Telegram-нан оқыңыз!
