Чимёнда адасқан еркекке көмек көрсетілді

ТЖМ баспасөз қызметінің мәліметінше, 2-қараша күні Ташкент облыстық Төтенше жағдайлар басқармасына Бостандық ауданындағы «Чимён» махалласы аумағында ер адам «Үлкен Чимён» тауына саяхатқа шыққаны және жолды жоғалтып, таудан өз бетімен түсе алмағаны туралы хабар түскен. Осы хабарға сәйкес «Чимён» өрт-құтқару бөлімінің құтқару тобы оқиға орнына жіберілген.

Бірнеше сағатқа созылған іздеу жұмыстарының нәтижесінде адасқан турист табылып, қауіпсіз аймаққа түсірілген. Оқиға нәтижесінде ешкім зардап шеккен жоқ, ер адамның денсаулығы жақсы жағдайда.