Данияда 15 жасқа дейінгі балаларға әлеуметтік желілерге тыйым салынады

Дания үкіметі жастарды интернеттегі қауіп-қатерлерден қорғау мақсатында 15 жастан кіші балаларға әлеуметтік желілерді пайдалануды шектейтін заң жобасын жариялады. Бастама балаларды зиянды контент пен онлайн-жарнама әсерінен қорғауға бағытталған.

Заң бойынша, платформалар пайдаланушының жасын анықтауға жауапты болады. Егер талаптар орындалмаса, компанияларға әлемдік жылдық табысының 6% мөлшерінде айыппұл салынады.

Деректерге сәйкес, Данияда 13 жасқа дейінгі балалардың 94 пайызы әлеуметтік желілерде белсенді. Мамандар бұл жағдайды қауіпті деп бағалап, балалардың психикалық денсаулығын қорғау қажеттігін айтады.

Үкімет бұл шешімді "интернеттегі салауатты ортаны құруға жасалған маңызды қадам" деп атады.