Жарылыс қаупі: Францияның жетекші телеарнасы жұмысын тоқтатты

Францияның әйгілі BFMTV телеарнасы бүгін жарылыс қаупіне байланысты эфирді тоқтатуға мәжбүр болды, деп хабарлады Le Parisien.

Мәліметтерге қарағанда, белгісіз интернет қолданушысы телеарна студиясы орналасқан ғимаратта жарылыс жергілікті уақыт бойынша 15:15-те болатынын жазған. Қауіп туралы хабарламадан кейін ғимарат дереу босатылды, ал эфир тоқтатылды.

Полиция мен саперлер тобы қазір ғимаратты толық тексеріп жатыр. Құқық қорғау органдары хабарды байыппен қабылдап, қауіп көзін анықтау бойынша жұмыс жүргізуде.