Францияда ерікті әскери қызмет енгізіледі

Франция президенті Эммануэль Макрон елде ерікті әскери қызмет жүйесі кезең-кезеңімен енгізілетінін мәлімдеді. Жаңа жүйе 2026 жылдың жазынан бастап іске қосылады.

Ерікті қызметке барғандар 10 ай бойы қызмет етеді және олар үшін ақы төленеді. Президенттің айтуынша, бұл қызметке қатысқандар Украинадағы әскери қимылдар аймағына жіберілмейді.

Алғашқы кезеңде 2000-3000 азамат тартылады. Болашақта бұл көрсеткішті кезең-кезеңімен арттырып, жылына 50 мың адамға дейін жеткізу жоспарлануда.