Сауд Арабиясының астанасы Эр-Рияд жаңа метро жобасымен әлем назарын өзіне аударды. Қалалық метро әлемдегі ең ұзын метро желісі ретінде Гиннестің рекордтар кітабына енді, деп хабарлайды Arab News.
2024 жылдың желтоқсанында іске қосылған бұл метро желісінің ұзындығы 176 шақырымды құрайды және 6 желі мен 85 бекетті қамтиды. Жүйе толық автоматтандырылған орталық басқару арқылы жүргізушісіз жұмыс істейді. Жоба қаладағы кептелісті азайту және экологиялық әсерді азайту мақсатында жүзеге асырылды.
Пойыздар Wi-Fi, жоғары сыйымдылықты кондиционерлермен және ақпараттық дисплейлермен жабдықталған. метро толық өткізу қабілетімен тәулігіне 3,6 млн жолаушыны тасымалдай алады. Вагондар жоғары категориялы, отбасылық және кәдімгі болып бөлінеді.
Желі ұзындығы бойынша Қытай қалалары әлі де көш бастап тұр: Шанхай - 831 км, Бейжің - 800 км-ден астам, Гуанчжоу - 653 км. Мәскеу (460 км), Нью-Йорк (472 км) және Лондон (402 км) қалалары да ірі метрополитендер қатарына кіреді.
Нью-Йорк станциялар саны бойынша абсолютті рекордшы болып табылады - шамамен 472 станция. Шанхайда - 439 бекет, Бейжіңде - 428, Сеулде - 335-ке жуық.
“Zamin”-ді Telegram-нан оқыңыз!
