2027 жылдан бастап Қазақстанда жүргізушісіз жүк көліктері жолға шығады

Қазақстан алдағы жылдары логистика саласында үлкен инновациялық қадам жасауда. 2027 жылдан бастап ел Еуразия экономикалық одағы аумағында жүргізушісіз жүк машиналарын сынақ режимінде іске қосуды бастайды. Бұл туралы көлік министрі Нурлан Сауронбаев хабарлады.

Жобаны жүзеге асыру үшін Қазақстанда арнайы инфрақұрылым құрылады: автомобиль жолдарына автономды көлікке қажетті толық сенсорлық жүйе орнатылады. Қазіргі кезде бұл бастама көрші мемлекеттер және ЕАЭО серіктестерімен талқыланып жатыр.

Сауронбаевтің айтуынша, жүргізушісіз жүк машиналары шекара бекеттеріндегі кезектерді де азайтуы мүмкін. Өйткені процесс паспорттық бақылаумен интеграцияланып, әлдеқайда жылдам орындалады.

Министрдің пікірінше, мұндай көлік құралдары Қазақстанның транзиттік әлеуетін арттыруда маңызды фактор болады. Өйткені жүк тасымалы шығындарының көп бөлігі жүргізуші жалақысы мен олардың міндетті демалыс талаптарына байланысты. Ал автопилотты көліктер тәулік бойы қозғала алады.

Мамандардың айтуынша, бұл эксперимент өңірдегі көлік ағымын айтарлықтай оңтайландыра алады.