Үндістанда қауіпті "Нипах" вирусынан болған алғашқы өлім жағдайы ресми түрде расталды. Калькутта қаласында тұратын жас әйелдің жағдайы нашарлап, ауруханаға жатқызылғаны, кейін комаға түсіп, дәрігерлердің күш-жігеріне қарамастан қайтыс болғаны хабарланды.
Бұқаралық ақпарат құралдары таратқан мәліметтерге қарағанда, аурудың кең таралуын болдырмау мақсатында жүздеген азамат карантиндік шараларға алынған. Медициналық бақылау күшейтіліп, ықтимал байланыста болған адамдар тексерілуде.
Жағдайға жауап ретінде бірқатар елдер сақтық шараларын қабылдай бастады. Атап айтқанда, Таиланд үкіметі Үндістаннан келетін жолаушылар үшін әуежайларда санитарлық бақылауды күшейтті. Жолаушылар вирусқа тән белгілер бойынша тексерілуде.
Мамандар жағдайды байыппен бағалап, тұрғындарды сақтық шараларын қатаң сақтауға шақырады.
