Қытайдағы зауытта қатты жарылыс: 8 адам қаза тапты

Қытайдың солтүстік аймағында орналасқан Шаньси провинциясында жарылыс болды. Xinhua ақпарат агенттігінің хабарлауынша, Шочжоу қаласы, Шанин округінде орналасқан "Jiapeng" биотехнология зауытындағы шеберханада болған жарылыстан сегіз адам қаза тапты.

Жарылыстың себептері әлі белгісіз. Жергілікті билік оқиғаға қатысты тергеу бастағанын хабарлады. Компания қызметкерлерінің бірі қазір құқық қорғау органдары тарапынан қамауға алынды.

Оқиға орнында тергеу тобы құрылып, жарылыстың себептері мен басқа да мән-жайлар анықталуда. Шенеуніктер оқиға туралы қосымша ақпарат берілетінін айтты.