Ресей Қарулы күштері Бас штабының Әскери барлау бас басқармасы басшысының орынбасары, генерал-лейтенант Владимир Алексеевке жасалған қастандық ісі бойынша күдікті ретінде қаралып отырған Зинаида Серебрицкая халықаралық іздеуге жарияланды. Бұл туралы қылмыстық іс материалдарына сілтеме жасап, ТАСС хабарлады.
Іс материалдарында Зинаида Серебрицкаяның ресми түрде халықаралық іздеуде жүрген тұлғалар тізіміне енгізілгені көрсетілген.
Сондай-ақ тергеу материалдарына сәйкес, ол Ресей аумағынан шығып кеткен және қазіргі уақытта Түркия аумағында, нақтырақ айтқанда Ыстамбұл қаласында жасырынып жүргені айтылуда. Серебрицкаяның Ресейден тікелей Ыстамбұлға ұшып келгені хабарланды.
Ол Ресей Федерациясының азаматы болып табылады және бұл төлқұжатты Луганск аумағынан Ресейге кіру үшін, сондай-ақ ел аумағында еркін жүріп-тұру үшін пайдаланған.
Бұған дейін ТАСС күштік құрылымдарға сілтеме жасап, Серебрицкаяның Ресей Федерациясы Қылмыстық кодексінің 317-бабы — құқық қорғау органы қызметкерінің өміріне қол сұғу — бойынша федералдық іздеуге жарияланғанын хабарлаған еді.
Мәскеу қаласының Замоскворецкий аудандық сотында Зинаида Серебрицкаяға қатысты сырттай қамауға алу түріндегі бұлтартпау шарасы таңдалғаны мәлім етілді.
“Zamin”-ді Telegram-нан оқыңыз!
