Соңғы 24 сағатта АҚШ Таяу Шығыс аумағына 50-ден астам жойғыш ұшақтарды орналастырды. Бұл туралы Axios басылымы хабарлады.
Дереккөз мәліметінше, аймаққа жіберілген әуе күштерінің құрамында бесінші буынға жататын ең заманауи F-35 және F-22 жойғыштары, сондай-ақ төртінші буынға жататын көп мақсатты F-16 ұшақтары бар.
Айтуынша, бұл әрекет АҚШ-тың аймақтағы әскери дайындығын күшейтуге бағытталған шаралардың келесі кезеңі болып табылады. Атап айтқанда, ресмилер бұған дейін де Құрама Штаттар Парсы шығанағы аймағындағы әскери қатысуын біртіндеп арттырып жатқанын мәлімдеген болатын.
Басылымның айтуынша, әуе күштерінің мұндай ауқымда орналасуы аймақтағы қауіпсіздік жағдайы мен ықтимал әскери қатерлерге жедел жауап беру мүмкіндіктерін кеңейтуге бағытталған.
“Zamin”-ді Telegram-нан оқыңыз!
