АҚШ астанасы Вашингтонда орналасқан Ұлттық сквер аумағында АҚШ президенті Дональд Трампқа қатысты сатиралық инсталляция орнатылды.
"Корольге лайықты тақ" деп аталатын бұл нысан - алтын түсті дәретхана, ол Трамптың Ақ үйді сәнді етіп жөндеуге деген ұмтылысын сынға алу мақсатында көрсетілді.
Бастамашылар осы символикалық инсталляция арқылы президенттің саясатын, атап айтқанда, мемлекеттік қаржыны жұмсау туралы шешімдерін қатаң сынға алмақ болған. Олардың пікірінше, мұндай шығындар қоғам мүддесіне толық сәйкес келмейді.
Бұл сатиралық "өнер туындысы" аз уақыт ішінде жергілікті тұрғындар мен туристердің назарын аударды. Әлеуметтік желілерде түрлі пікірлер мен пікірталастар туындауда.
Бақылаушылардың айтуынша, мұндай шығармашылық наразылық түрлері АҚШ-та сөз бостандығы мен қоғамдық пікірдің жарқын көріністерінің бірі ретінде бағаланады.
