Франция президенті Эммануэль Макрон АҚШ басшысы Дональд Трамп айтқан даулы пікірлерден кейін көпшіліктің назарында. Атап айтқанда, Трамптың "Макрон әлі де әйелінің соққысынан есін жиған жоқ" деген өткір және шулы мәлімдемесі үлкен талқылауға себеп болды.
Осыдан кейін Макрон ұшақтан түсіп бара жатып, әйелінің қолынан ұстап тұрғаны байқалды. Бұл жағдайды кейбіреулер символдық жауап ретінде бағалады.
Франция басшысы Трамптың халықаралық саясатқа қатысты сөздерін де сынға алды. Әсіресе, Ормуз шығанағы төңірегіндегі жағдайға қатысты айтылған пікірлерді ол дәйексіз деп санайды.
"Егер сіз нағыз саясаткер болсаңыз, күн сайын әртүрлі мәлімдеме жасамауыңыз керек. Сіздің кешегі сөзіңіз бүгінгіге сәйкес келуі керек. Ең бастысы - іс жүзіндік әрекет ету, шиеленісті азайту және ұзақ мерзімді бейбітшілікке қол жеткізу," - деді Макрон.
Сонымен қатар, Франция президенті Оңтүстік Кореяға ресми сапармен келгені хабарланды. Сапар аясында бірқатар маңызды кездесулер өтеді деп күтілуде.
Сарапшылардың айтуынша, мұндай мәлімдемелер халықаралық саяси аренадағы шиеленісті одан әрі арттырып, көшбасшылар арасындағы қарым-қатынасқа әсер етуі мүмкін.
