АҚШ президенті Дональд Трамп Иранға қатысты ядролық қару қолдану жоспарланбағанын мәлімдеді. Бұл туралы Reuters ақпарат агенттігі хабарлады.
Ақ үйде журналистермен өткен баспасөз мәслихаты барысында Трамп АҚШ-тың өз мақсаттарына жетуі үшін дәстүрлі әскери мүмкіндіктері жеткілікті екенін атап өтті. Оның айтуынша, ядролық қаруды пайдалануға әзірге ешқандай қажеттілік жоқ.
Сонымен бірге, Америка басшысы ядролық қарудың мүлдем қолданылмауы керектігін қаперге салып, мұндай қаруды пайдалануға қарсы ұстанымын білдірді. Ол жаһандық қауіпсіздік тұрғысынан мұндай қарудан бас тартудың маңыздылығына назар аударды.
Трамп Иранмен байланысты жағдайға да тоқталып, бейбіт уақытта Тегеран өз әскери әлеуетін белгілі бір деңгейде қалпына келтіруге тырысқанын айтты. Сонымен қатар, АҚШ қарулы күштері кез келген қауіп-қатерге қысқа мерзімде жауап беру мүмкіндігіне ие екенін қадап айтты.
Ықтимал келісім мәселесіне тоқталған президент, бұл ретте асығыстыққа жол бермейтінін білдірді. Оның пікірінше, Иранмен тұрақты және ұзақ мерзімді нәтиже беретін келісімге қол жеткізу басым маңызға ие.
Бақылаушылардың атап өтуінше, бұл мәлімдеме аймақтағы геосаяси жағдайға әсер етуі мүмкін және АҚШ–Иран қарым-қатынасындағы келесі қадамдар назар аударылатын басты тақырып болып қала береді.
“Zamin”-ді Telegram-нан оқыңыз!
