Үндістанның Мумбай қаласында болған сұмдық оқиға әлеуметтік желілерде қызу талқыланды. Ауыр жарақат алғанына қарамастан, жәбірленушінің сабырлылығы көпшілікті таңғалдырды.
India Today хабарлауынша, жеке жанжалдан кейін Рохит Павар есімді ер адамның басына үлкен пышақ (мачете) сұғылған. Соққы салдарынан ол бас сүйегін тесіп, миға шамамен төрт сантиметр тереңдікке кіріп кеткен.
Соған қарамастан, жәбірленуші есінен танбай, ауруханаға өз бетімен жеткен. Ең таңқаларлығы, ол медициналық көмек күту барысында жалпы кезекте тұрып, тіпті телефонын пайдаланған.
Оқиға 1 мамырға қараған түні Манхурд ауданында болған. Жарақаттың ауырлығына қарамастан, ер адамның өміршеңдігі дәрігерлерді де таңғалдырды.
Сион ауруханасының хирургтары жасаған күрделі ота кезінде пышақ абайлап алынып тасталды. Қазіргі таңда науқастың жағдайы тұрақты, өміріне қауіп төніп тұрған жоқ.
Бір күннен кейін құқық қорғау органдары үш күдіктіні ұстады. Олардың барлығы кәмелетке толмаған болып шықты және арнайы тәрбие мекемесіне жіберілді. Қазіргі уақытта тергеу амалдары жүргізілуде.
Ауруханада түсірілген және жәбірленушінің басында пышақпен телефон қолданып отырғаны бейнеленген видео интернетте тез тарап, жұртшылықтың назарын аударды. Бұл жағдай адам ағзасының төзімділігі мен төтенше жағдайдағы психологиялық тұрақтылықтың маңыздылығын тағы бір мәрте көрсетті.
