Испанияда көлікте ұмытылып кеткен екі жасар қыз қайтыс болды

Оқиға 20 мамырда болды. Мәлім болғандай, әкесі таңертең үлкен баласын мектепке апарғаннан кейін кіші қызын балабақшаға апаруы керек болған.

Алайда телефон қоңырауына алаңдап, балабақшаға емес, жұмысқа кетіп қалған және қызын көлікте ұмытып кеткен.

Сағат 15:00 шамасында анасы қызын балабақшадан алуға келгенде, тәрбиеші баланың таңертең әкелінбегенін айтқан.

Осыдан кейін ата-анасы жағдайды түсініп, жедел жәрдем шақырған. Қыз бала ауруханаға жеткізілді, бірақ дәрігерлер оның қайтыс болғанын хабарлады.

Қала әкімшілігі қыздың құрметіне 2 күндік аза тұту жариялады.