Тайваньда туу көрсеткішін арттыру үшін жаңа төлем ұсынылды

Тайвань үкіметі туу көрсеткішін арттыру мақсатында балалы отбасыларға берілетін субсидияларды кеңейтуді ұсынды. Бұл туралы Focus Taiwan хабарлады.

Ұсынысқа сәйкес, 19 жасқа дейінгі баласы бар отбасыларға ай сайын 5000 тайвань доллары, яғни шамамен 155 АҚШ доллары көлемінде төлем берілуі мүмкін.

Қазіргі уақытта мұндай көмек тек бес жасқа дейінгі баласы бар отбасыларға ғана көрсетіледі. Жаңа тәртіп енгізілсе, толық сома бала 5 жасқа толғанға дейін қолма-қол беріледі.

Ал 6 жастан 17 жасқа дейінгі балалар үшін субсидияның жартысын жинақ шотына аудару жоспарланған. Бұл қаражат кейіннен баланың университетте оқуына жұмсалуы мүмкін.