«Фокус-покус 3» ресми түрде әзірленуде

Сандерсон әпкелі-сіңлілілер қайтып оралады – Deadline басылымының хабарлауынша, «Фокус-покус 3» фильмі бойынша жұмыс ресми түрде басталды.

Жоба әлі әзірлеудің бастапқы кезеңінде. Сюжет туралы мәліметтер құпия сақталуда, бірақ Disney+ стримингтік платформасында шығуынан бөлек, фильмді кинотеатрларда да көрсету жоспарланған.

Ең маңыздысы – Бетт Мидлер, Сара Джессика Паркер және Кэти Нэджими Сандерсон әпкелі-сіңлілілер рөлін қайта сомдайды деп күтілуде. Үшінші фильм туралы қауесеттер 2022 жылы «Фокус-покус 2» шыққаннан кейін, 2023 жылы пайда болды. Сценарий дайын, бірақ өндіріс процесі енді ғана басталды.

«Фокус-покус 2» фильмін түсірген Энн Флетчердің үшінші бөлімді де режиссерлеуі жоспарланған, алайда жоба дамыған сайын бұл өзгеруі мүмкін. Мидлер, Паркер және Нэджимиден бөлек, актерлік құрам әзірге жарияланған жоқ.