«Росарио Сентрал» футболшысы Анхель Ди Мария жақын болашақта бапкерлік қызметті бастауды жоспарлап отырғанын мәлімдеді. Әлем чемпионы болған аргентиналық жұлдыздың қазіргі келісімшарты келесі жылғы маусым айының соңында аяқталады, бірақ оны тағы бір жылға ұзарту мүмкіндігі бар.
Әзірге Ди Мария қашан футболшылық мансабын аяқтайтынын білмейді, бірақ өзін болашақта бапкер ретінде елестетеді. «Мен Леандро Паредеспен бірге бапкерлер штабының құрылымын жасау бағытында жұмыс істеп жатырмын.
Лицензия алу үшін бапкерлік курстардан өтудемін. Біздің командаларымыз әрдайым 4-3-3 схемасы бойынша ойнайды, бұл туралы біз Леандромен келісіп қойдық.
Мансабымыз аяқталғаннан кейін 'Росарио Сентрал' және 'Бока Хуниорс' командаларын басқаруды армандаймыз», – деп Ди Марияның сөздерін The Touchline басылымы келтірген. 37 жастағы футболшы биылғы жылдың шілде айында «Бенфикадан» Росарио клубына ауысқан болатын.
«Меҳмон» тобындағы келушілер бұл жарияланымға пікір қалдыра алмайды.
