"Реал Мадрид" клубының шабуылшысы Винисиус Жуниорға бразилиялық жерлесі Неймар болашағына қатысты маңызды кеңес берді. 25 жастағы футболшының "корольдік" клубтағы болашағы әлі де беймәлім.
Әртүрлі хабарлар бойынша, тараптар жаңа келісімшарт шарттарына қатысты келісе алмай жатыр. Осы себептен маусым аяқталған соң Винисиус клубтан кетуі мүмкін.
Transfer News Live дерегіне сүйенген OK Diario мәліметінше, Неймар Винисиусқа өзінің қателігін қайталамауға және "Реалмен" келісімшартты ұзартуға кеңес берген. Неймардың "қателігі" деп оның "Барселонадан" кетіп, рекордтық 222 миллион еуроға "Пари Сен-Жерменге" ауысқанын айтып жатыр.
Кейін ол бұл шешіміне өкінгенін мойындады. Еске сала кетсек, Винисиус Жуниордың Мадрид клубымен қолданыстағы келісімшарты 2027 жылдың ортасына дейін жасалған.
«Меҳмон» тобындағы келушілер бұл жарияланымға пікір қалдыра алмайды.
